واشوفِك من عُيون قَلبى

Admin عدد المساهمات : 5700 تاريخ التسجيل : 05/03/2013

[ندعوك للتسجيل في المنتدى أو التعريف بنفسك لمعاينة هذه الصورة]

ولمّا بعدْتى يوم عنى

بحور الشعر ليه جَفْت

وتفعيلة حَنين مِنِّى

بَكت لما ف يوم حسْت

بإنك يوم خاصمتينى

وكارهه وجودى أو قُرّبى

وعايزة بسرعة تنسينى

وتسقينى مرار حُبى

وده خلانى أتْحير

واتوه فيكى وانا منك

واعوم جوه سما روحك

واطير ويّا بُحور ظنك

وأتنفس بشريانى

واشوفِك من عُيون قَلبى

وأفتح طاقه م الجنة

لو استنيتى يوم جنبى

وليه تقسى على القلب

اللى كان حالف يدفْيكى

ويعْمل نبْضُه ضُليله

تداوى كل شئ فيكى

ويبنى م القلوب قَارب

يودّيكى لأحضانى

يداوى جَرْح كان فيكى

ويبعد عنى أحزانى

وفاكر همْستك لسه

ف أول يوم قَابلْتينى

بتطلبى مِنْى بإشارة

تعالىَ احْضُنِّى دفْينى

قولى لى إيه حصل مِنِّى

عشان تتغيّرى ف طبعك

وإيه خلانى محتاجك

وجوايا أكون ذارعك

تعالى وارْجعى ليّا

بِِ غِنوة فرح ف سنينى

ما بقدرشى علىَ بُعْدك

تعالى فيكى خبينى

محمد زكريا حبيشى