الـشعر والألـحــان ..

Admin عدد المساهمات : 5700 تاريخ التسجيل : 05/03/2013

[ندعوك للتسجيل في المنتدى أو التعريف بنفسك لمعاينة هذه الصورة]

يـاعـم غـــاندى ده عـــندى

فـى مصر ألف سؤال

اللهـــجه هـــندى

والآه مــعاهــا تـرحــال

حـتى الأفـندى

نسى يـقرا الجورنال

صبح كلامه إشاعه

وقال وقولنا وقال

حـتى الكراسى صحابها

كـأنهم تمثال

والكلمة الطيبه

تاهت من الموال

وطريقنا اصبح ويل

أيـام ســوادها طــوال

يـاعم غـاندى سامعنى

ولا أنـا ســرحان

أبعت شويه صبر

وقـوه للجدعان

مـصر الحبيبه بتبكى

ناصبه ياعم صــوان

تاخد عــزا ولادها

والدمع فيه ألوان

والجانى مش معروف

تملى كده هربان

حتى القضا عندنا

صبح كأنه مـا كان

ونيابه تطلب براءه

للجانى واللى هان

هُنت يامصر عليهم

وكفة الميزان

مكسوره فيكِ يابلدى

والحكمة للشيطان

يـاعـم غـاندى تعبنى

الـشعر والألـحــان

ياريتنى أنـام متهنى

ويـكون ماليا لسان

وسـلام يـاغـاندى ياعمى

خلصت كل كــلام

مصطفى محمود إبراهيم