Admin
Admin
عدد المساهمات : 1147
تاريخ التسجيل : 05/02/2013
 | | موضوع: يا داخلانى بألف جناح الأحد فبراير 24, 2013 5:08 pm | |
| [ندعوك للتسجيل في المنتدى أو التعريف بنفسك لمعاينة هذه الصورة] يا داخلانى بألف جناح [ندعوك للتسجيل في المنتدى أو التعريف بنفسك لمعاينة هذه الصورة] سعيد حامد شحاتة تتوه الناس تضيع الناس مع أوّل بيان يتقال فى ساحة حضرة الحرّاس تكون باصم على الكرّاس وغصبن عن أبوك ماضى وراضى وساحب البقرات وساكت زى كل الناس.. وصاين حرمة البهوات ومتمدد على الكنبات بدون شنبات بنات أفكارى بتحاول تدوس ع السن لا نفسى أضحك لشيخ كدّاب ولا فى دماغى أخاوى الجن ولا مشتاق أحنّ لصولجان الزّيف ولا عسكر ولا غطاريف ولا كلمة وجع نعسانه فى المظاريف ولا طراطيف شجر عالية يا غالية يا ضحكة الطيّب يا داخلانى بألف جناح يا قلبى يا أبو النيون والع يا أوسع م البراح ببراح صباح الفل ع القاعدين وع الواقفين وع المطرب وع المدّاح صباح الفل ع الفلاح وع الآلة صباح الخير على قبطان عليه قفطان ما فيهش زرار وسيّالة على الخيّاله لحظة ما المدى بيضيع على القلب اللى مات م الجوع ورافض فكرة التطبيع على الوطن اللى باع النور ولسه هيتعدل ويبيع [ندعوك للتسجيل في المنتدى أو التعريف بنفسك لمعاينة هذه الصورة] | |
|
