شهرزاد
Admin
عدد المساهمات : 5700
تاريخ التسجيل : 05/03/2013
 | | موضوع: يا عم "باسم" خلاص النقد بقه محظــــــور الثلاثاء أبريل 16, 2013 3:20 pm | |
| [ندعوك للتسجيل في المنتدى أو التعريف بنفسك لمعاينة هذه الصورة] يا عم "باسم" كفايه الرئيس زعــــــــــــــلان
لزمتها إيه المعاندة بس فى الإخــــــــــــوان
وأنت لا عندك صاروخ ولا حتى دبابـــــــة
ولا حتى عندك فلوس تصرف فى كل مكان
...
ولا حتى عندك كتيبة قائدها "حازم" بيــــه
اللى كتائب المصارعة كلها فى إيديـــــــــه
حتى معندكش عجل بلاش نقول عجليـــــن
قدام إداره القناة نعمل عزومة عليـــــــــــه
...
وكمان معندكش سُكر تفرقه ودقيـــــــــــق
ولا حتى عندك بلوفر حلـــو زى "شفيــق"
ولا حتى فى الانتخاب تعرف تزور صـوت
ولا حتى تعرف تقول العبرة بالصناديـــــق
...
ولا حتى تعرف تنــــام زى "هشام قنديـل"
نهاره نايم عشان بينام كتير بالليـــــــــــــل
والدنيا بايظه ومفيش عسكر ولا ضبــــاط
وكل يوم فيه مظاهرة يطب فيها قتيـــــــل
...
يا عم "باسم" خلاص النقد بقه محظــــــور
وكل واحد هيلبس حدوه أو طرطــــــور
وكل مصرى هيلبس بردعة ولجــــــــام
حتى الخازوق المغرّى هنلبسوه بالــدور سيد أحمد الهمشرى | |
|
