راح تكون أجمل بدال المرة ألـــــــــف

[ندعوك للتسجيل في المنتدى أو التعريف بنفسك لمعاينة هذه الصورة]



راح تكون أجمل بدال المرة ألـــــــــف



كنت فاكر أن دمعى راح يجـــــــــــف

وأن جرحى بعد صبرى راح يخـــــف

كنت فاكرك يا وطن بعد الميــــــــــدان

راح تكون أجمل بدال المرة ألـــــــــف

. ..

كنت فاكر بكرة جى بنهار جديــــــــــد

وأن بعد الثورة بكرة هيبقى عيــــــــــد

وأن بعد الصبر فى ليالى الميـــــــــدان

النهار هجيب معاه حق الشهيـــــــــــــد

. ..
كنت فاكر أن بكرة هيبقى أجمـــــــــــل

وأن كل الهم عن وطنى هيرحـــــــــــل

كنت فاكر أن بعد سنين عِجــــــــــــاف

راح نلاقى سنين حياتنا فيها أسهــــــــل

. ..
كنت فاكر أن دقن الشيخ علامـــــــــــة

أنه خايف لسه من يوم القيامــــــــــــــة

كنت فاكر إن مصر هتبقى أجمــــــــــل

وأن بعد الثورة هنلاقى الكرامــــــــــــة

. ..

الحكومة من جديد خاب ظنى فيهـــــــا

حتى لقمة عيش بدوّر مش لاقيهـــــــــا

لازم أرجع تانى لليالى الميـــــــــــــدان

مصر غالية وتانى لازم نفتديهــــــــــــا



سيد أحمد الهمشرى