[ندعوك للتسجيل في المنتدى أو التعريف بنفسك لمعاينة هذه الصورة] مش إهانة مش تجنى.. نقدى كان أصعب قرار اسمعينى افهمينى.. حبى ليكى شىء مليني
قرّبى منى وخذينى.. باعدة ليه فكّى الحصار
إنتى روحى وضى عينى.. نبض عمرى اللى حاييني
كلّى ليكى صدّقينى.. دى الحقيقة مش هزار
لو ناديتى حتلقينى.. تحت أمرك طول سنينى
بس إياكى تسيبينى.. بُعدى عنك ده انتحار
طالبة منك تحتوينى.. حسّى بية قدّرينى
حققى حلمى وواسينى.. ليه كدة طال الانتظار؟
نقدى ليكى عشق منّى.. لو إهانة أكيد باهنّي
مش إهانة مش تجنى.. نقدى كان أصعب قرار
لو سكتّ أنا مين يقول!.. إمتى راح تيجى الحلول؟!
طالبة ليه منّى أداري؟.. عاملة ليه بيننا ستار؟!
كتير بواجهك تهربى.. بعيدة ليه ما تقرّبى
قربك ده هدفى ومطلبى.. مش عافية لكن باختيار
سامعة صوتك بينادينى.. إنتى كنتى بتسمعينى؟؟
اوعدينى ما تسيبينى.. كل ليل آخره نهار
هناء المداح
الرئيسية 
