شهرزاد
Admin
عدد المساهمات : 5700
تاريخ التسجيل : 05/03/2013
 | | موضوع: قلبت خِناقة حريمى وتاهت ثورتى! الإثنين مارس 11, 2013 12:14 pm | |
| [ندعوك للتسجيل في المنتدى أو التعريف بنفسك لمعاينة هذه الصورة] قلبت خِناقة حريمى وتاهت ثورتى! بيت العيلة الكبير، يلم شملنا، الأهل والأحباب وجيرانا فى حَيينا، أنا وأم العيال يوم كُنا وَحدنا، نحل مشاكلنا الكتير نتحاسب ونتعاتب، شاعر بِِغُبن شديد من ظلم أهالينا، كل من فى البيت يبيع ويشترى فينا، من زمن الوضع قايم، وأحاول أعدل المايل، أبوها متجبر ومتكبر وحُكمه للبيت غاشم، وابنه شاب عَويل فى والده متعشم، يورث البيت الكبير وفى أهله يتحكم، وبالكرسى يزيد جمال ويتربى فى عزه، ويتقال له مُبارك قرب يِنول حلمُه.
الوضع دا قلقنى وفى العيشة زهقنى، وفى البيت دا أنا ساكن وفى الحى متربى، كاتم أنا غيظى
ومستنى تتعدل، يعدى بكره وبعده والحال على وضعه- طهقت وطفح بى الكيل وأعصابى مفلوتة
- قلت أشد الحيل وأشوط فيهم شوطة، أشعلها ثورة كبيرة، وما تهمنى الموتة،
عيشة الذل ما تنفع، وتطَفح الكوتة، وأنا نويت أعيش وآكل بكرامة عيش،
الظلم إحساس قاسى، ومن الذل أرفع راسى.
فى بيت عيلتنا فى شقتنا، صُوتنا يعلَى ويحتد الكلام بينا، زهِقت من حالى وباحاول أحل مشاكلنا،
وحماتى على الباب تتصنت وتسمع ما دار بينا، بعزم شديد وقلب حديد تهجم وتمسكنى،
ودَفعة جامدة على الحيط شدتنى وخَبطتنى، ثائر وعامل ثورجى وناسى أن دا بيتنا،
ناوى تكبر وتُحكم وتغير المقادير، إحنا هنا الأصل وانت فى بيتنا أجير،
فاكر هاييجى يوم تتنصف يا ذليل، أمى سمعت صراخها جات جرى تنجدنى،
ومن إيديها بالعافية تشدنى وتبعدنى، وخالتى تصرخ وتتوعد بالويل والثبور،
وكل ظالم فى بيتنا يوم قريب ها يغور، واختى وصلها الخبر على وجهها تندب،
وحماتى ما اتهدت ولسه بتهدد، وأم الولاد فى صفها, أتشجعت زاد عنفها،
وأختها طلعت تساندها وتتحالف، وتحلف أن البيت ما ها يعيش فيه مخالف.
أبوها وأخوها وأهل مراتى وعشيرتهم، وأهل الحى رجاله وستاتهم، الكل يتجمع
وفى المشكلة يفتى، جيرانى والإخوان احتلوا منا البيت،
صرخت أنادى على الإنقاذ غير الكلام مالقيت، قالوا اعتصام، عصيان، أصوات عالية
وصراخ وعراك، وحريم كتير جوه وبره البيت، وكلام هنا وهناك سب وضرب ولوم،
وَاصلة ردح عالية ونغمات من كل لون، فرشوا الملاية لبعض وطَلعوا أسرارنا،
من غير خِشى أو حَيا نشروا أخبارنا، قلبت خِناقة حريمى وتاهت ثورتى،
راحت أحلامى ومعاها ضاعت قضيتى، يا فرحة أعادينا والشامتين فينا،
مع خناق الحريم تتوة الحقيقة وتروح، والظالم يبقى مظلوم، ويكتر تقطيع الهدوم،
وحريقة تقييد فى البيت، شَعللها أهالينا، وكل يوم أدعى سبحانك يا رب طَفيها.
نصر سليمان محمد
| |
|
