[ندعوك للتسجيل في المنتدى أو التعريف بنفسك لمعاينة هذه الصورة] مـاتزهقيش يا قلــوب عاشقــة
البحــــــــــر بيضحـــــك ليه
ومافيش تغييرف بلدنا حصل
البحــــر هـــــايج متعكـــر
مخنـــوق بيبكــــى وبيفكـر
ف اللى لدمـاه فاجأة اتنكـر
واللى بشقاه للكرسى وصل
البحــر شـــاهد ع الحــاصل
على اللى بيبيـع ويفـــــاصل
وعلى اللى ناوى إنه يواصل
الحـــلم من غير أى كســـل
البحـــر زى النــاس حـاسس
مين اللى خانهـا ومين والـس
وميــــن بيشتــاق لمجـــــالس
عشمان يدوق من ايدها عسل
مـاتزهقيش يا قلــوب عاشقــة
يا سهـام ف قلب الزيف راشقة
يا مـا لسـه ف دروبهــا هنشقى
دى الثــورة مابتعـرفش مـــلل
يا كــــــل من علاّ هتــافــه
وشــال همومها على كتافــه
الفجــــر تكمـــــل أوصافــه
طول مانتو جوه قلوبكو أمل
يا مصـر صبحك له قيمته
حـالف ما يقبـــل بهزيمته
لا يليـن ولا تقـل عـزيمته
وح تبقىِ للكــون كله مثل
والبحــــــــر بيضحــــك ليه
علشان عايشين ف قلوبنا أمل
أشرف الشافعى
الرئيسية 
