أرجوكى سامحينى على حلم بينا لسه متأجل ..

[ندعوك للتسجيل في المنتدى أو التعريف بنفسك لمعاينة هذه الصورة]


أرجوكى سامحينى على حلم بينا لسه متأجل ..



أرجوكى سامحينى
كان نفسى ما اخلفش النهاردة عادتى وياكى ..
واقدر اجيبلك ورد
كان نفسى وانا جايلك
أرش برفان لهفتى لحضنك
واملا سكون روحك ..
دوشة بريئة تزفلك عشقى
كان نفسى مايبانش إن انا ..
روحى بتنشع برد
ما اعرفش ليه اتلخبطت بالشكل دا منى
ماخطرش على بالى الوجع
ولاكنتش اعرف قد إيه الدين عليا تقيل
وماكنش ف الحسبان الدنيا يتبرجل
أرجوكى سامحينى
على حلم بينا لسه متأجل ..
للحظة ما اعرفهاش
يمكن تكون أقرب ..
من سكنتك روحى
يمكن تكون أبعد ..
من خطوة متغربة ف بلاد ماحبتهاش
كل اللى خايف منه دلوقتى ..
بعد الغياب والوجع ..
نموت ومانعيشهاش
أرجوكى سامحينى !


أشرف الشافعى

[ندعوك للتسجيل في المنتدى أو التعريف بنفسك لمعاينة هذه الصورة]