[ندعوك للتسجيل في المنتدى أو التعريف بنفسك لمعاينة هذه الصورة] معايا ببساطه التباته ببلاش
[ندعوك للتسجيل في المنتدى أو التعريف بنفسك لمعاينة هذه الصورة] الشاعر سعيد حامد شحاتة
معايا المخلل بطعم البطاطا
معايا المؤنث
معايا المذكر
معايا انحطاط ع السكك وانحطاطه
معايا الحلل والقلل والتناجر
معايا الأناجر وطقم الخياطه
معايا اللوازم بتاعة المسبّك
معايا المحبّك
معايا المشبّك
معايا الحدايد بتاعة الخراطه
معايا البلاد اللى ممكن تجرّب
معايا العيال اللى تقدر تخرّب
معايا الأيادى اللى تعرف تهرّب
معايا البنات اللى سايقه العباطه
معايا الجيوش اللى جايز تحارب
معايا الكروش والوحوش والعقارب
معايا القطط والفيران والتجارب
معايا الخيار والعلل والوساطه
معايا الصابون والزيوت والمراهم
معايا الكلور اللى يجلى البلاطه
معايا ببساطه العرس والديابه
وسم الأفاعى وديدان الخرابه
وكلبى البوليسى اللى واقف يهوْهوْ
وإيد جلادين الغُناى والغلابه
معايا ببساطه الصّحابه الغبيّه
وألفين مناضل من البلطجيه
ولو حدّ عاند وعافر معاهم
هيصبح عدُو لدولة المدفعيّه
معايا ببساطه التباته ببلاش
وثوره ... ما ثوْرَاش ما بيهمّناش
معايا الوزير والغفير والحراسه
معايا الهوى ف برطمان الحِباش
معايا السلاح اللى طالع يغيّر
معايا الدماغ اللى ضارب طناش
فـ جرّب تناضل فى أيتها داهيه
وعيش فى الطابور لمّا تطلع معاش
[ندعوك للتسجيل في المنتدى أو التعريف بنفسك لمعاينة هذه الصورة] 
الرئيسية 
