08.22.2013
أنا عن نفسى
زعلان من نفسى
انى وقفت مع الإخوان
وانتخبت مرسى
عشان كدا
أقدم للشعب المصرى
اعتذار رسمى
الصراحة ما كنش ينفع
انتخب شفيق
ما أنا مش قادر أفهم
أزاى نعملوا ثورة
ونشيلوا مبارك
ونجيبوا أعز صديق
على قد ما كنت مع مرسى والإخوان
على قد ما بقيت ضدهم
خلاص أنكشف أمرهم
وحرقوا نفسهم بنفسهم
وحفروا بأيدهم قبرهم
ياريت بقى يرتاحوا على وضعهم
الناس تعبت وقرفت أخر قرف منهم
وعايز أقول لأى حد
إخوانى أو متعاطف معاهم
وبيدافع من قلبه بجد
عن مرسى وعن الكرسى
ووجع دمغنا بالصندوق والشرعية والحق
يركب بس ميكروباص
ويتكلم مع الركاب
ويسمع حسهم
ويحس بنبضهم
ويعرف همهم
ما انت فى الأول وفى الآخر واحد منهم
واوعى تفكر العيب فى الناس
العيب فى الاخوان نفسهم
عشان بتقولوا اللى حصل دا انقلاب
الميكروباص هو مجلس الشعب الحقيقى
حتى ومجلس الشغب شغال يا صديقى
أبقى تعالى قابلنى
اذا عرفت تنزل من العربية
وتفتح الباب
وشوف مين هايخلصك من أيد الركاب
الرئيسية 
