"تسمحيلى يا مصر بالطلقة اللى جايّه؟" قصيدة لـ"سعيد حامد شحاتة"

Admin عدد المساهمات : 1147 تاريخ التسجيل : 05/02/2013

[ندعوك للتسجيل في المنتدى أو التعريف بنفسك لمعاينة هذه الصورة]

"تسمحيلى يا مصر بالطلقة اللى جايّه؟" قصيدة لـ"سعيد حامد شحاتة"

[ندعوك للتسجيل في المنتدى أو التعريف بنفسك لمعاينة هذه الصورة]

فى الشوارع

فى المزارع

ع المساطب

فى التكيّه

كل شيء مرصوص كويس

والحياه هاديه وطريه

المرض بريال

وكيلو الجهل ب اتناشر وقيّه

والوشوش لمّيع

وجاهزه تطيع

وهتبيع القضيّه

كل شيء مرصوص كويس

والحياه هاديه وطريّه

الرصاص قناص

وطعم الغاز أكيد فاتح شهيّه

والعتب ع الشمس والنيل والمراسي

العتب ع الموت ونبّوت والكراسي

العتب ع الثوره والناس الأبيّه

كل شيء مرصوص كويس

ضحكة الأسفلت ودموع الأرامل

واحتدام الطلق فى ضلوع الحوامل

والكلام الحر من بين الأنامل

واحتكام الدمّ لسلاح الضحيه

كل شيء مرصوص كويس

والحياه هاديه وطريّه

السناجب والحواجب

والأشاوس والنواجب

واللى شايل روحه مدفع

واللى جاى بيأدى واجب

واللى بيهد القلوب الطيّبه الصافيه العفيّه

كل شيء محطوط مكانه

م الهرم للعباسيه

كل شيء مرصوص كويّس

حتى سور الأزبكيه

البشر واقف متيّس

والقصايد -ع- الصينيّه

البلد آمن يا ريس

والمسائل ميّه ميّه

والورود ع السور بتلعب

سيجا جنب البندقيه

كل شيء مرصوص كويس

والحياه هاديه وطريّه

والرصاص قنّاص

وعشّاقك هديّه

تسمحيلى يا مصر بالطلقه اللى جايّه؟

[ندعوك للتسجيل في المنتدى أو التعريف بنفسك لمعاينة هذه الصورة]

» الوقت ما بقاش يسمح برسم ورد ولا صور خيالية، دلوقتى كل اللى فى إيدى أرسم اللى أنا شايفاه وحاسة بيه"
» تحميل كتاب ( شرح عجائب القلب ) .. أبو حامد الغزالى
» طريقة عمل طاجن جمبرى بالخضروات مع الشيف أمينة سعيد