خلاص مفيش وشوش

[ندعوك للتسجيل في المنتدى أو التعريف بنفسك لمعاينة هذه الصورة]



خلاص مفيش وشوش



نظارة واتكسرت

بلورة واتشرخت

بوصلة وانحرفت

خريطة واتمسحت


وانكسرت النضارة

رمر الخضارة

يا ميت خسارة

و رجعت سنين ورايا

مبعرفش القرايا

و شارعنا الصغير

عليا انا بيتكبر

خلانى متحير

مش شايف له نهاية

بيلعب معايا استغمايه

الشارع الصغنون

كان عليا حنون

ليه بقى مجنون

عايزنى فيه مسجون

تايه فى الشوارع

ده ضابط ولا بايع

سواق ولا تابع

محترم ولا صايع

بنت ولا ضايع

خلاص مفيش وشوش

و الوش البشوش

خلاص كله فشوش

ده شئ ما احبوش

يا ترى هعرف اروح

و لا هافضل اطوح

نفسى الاقى مطرح

اقعد فيه وافرح


عمر سليم