لما السعر يكون مجانى

[ندعوك للتسجيل في المنتدى أو التعريف بنفسك لمعاينة هذه الصورة]



لما السعر يكون مجانى




خوذة ودرع ..وموت مجانى

لبس الأسود ..لبس ميدانى

خدمات شاقة ..ده عنوانى

وش المدفع ..هو مكانى

بالأمر أضرب ..ولا تتهرب

مهما يكون فى الوش أخوك

واو جه دورك..خدت رصاصة

دور على اللى يشيلوك

وتفضل مرمى وسط الشارع

ولا حد هيسأل فى أبوك

وكله عليك هايدوس ويخطى

ولو فيه الخير

أخرك ورقة جورنال ويغطى

ويا عينى عليك هاتفضل ذكرى

واللى هايبقى

خوذة ودرع ..وموت مجانى

شايل روحك وسط كفوفك

يمكن أخر مرة نشوفك

وأهلك بكرة يأخدوا مكافأة

والروح أيه اللى يعوضها

لما السعر يكون مجانى

خوذة ودرع ..وموت مجانى



محمد حامد حسين